མཚོ་ལྷོ་བོད་རིག་གནས་དྲ་བ།
| དྲྭ་བ་འདིར་མི་སྒེར་དང་ཚོགས་པ་གང་རུང་གི་ཁེ་དབང་དང་མཚན་སྙན་ལ་གནོད་པའི་ནང་དོན་ཡོད་ཚེ་ངེད་དྲྭ་བའི་དོ་དམ་པར་སྦྲེལ་དང་གང་མགྱོགས་ཀྱིས་བསུབ་ངེས་ཡིན། དོ་དམ་པའི་འཕྲིན་ཕྲན། ༡༨༡༩༧༤༤༤༤༤༦ |
|
|
༡ མཚོ་ལྷོ་ཁུལ་བོད་རིག་གནས་ཞིབ་འཇུག་ཚོགས་པ་ནི་༢༠༡༢ལོར་མཚོ་ལྷོ་ཁུལ་མི་རིགས་ཆོས་ལུགས་ལས་དོན་ཁང་གི་ཆོག་མཆན་ཐོབ་པ་བརྒྱུད་བཙུགས་པའི་རིག་གནས་ཞབས་ཞུའི་མཐུན་ཚོགས་ཤིག་ཡིན། ཚོགས་པ་འདིས་རྒྱལ་ཁབ་ཀྱི་རྩ་ཁྲིམས་ལ་བརྩི་སྲུང་དང་། ཚོགས་པའི་སྒྲིག་སྲོལ་ནན་ཏན་ལག་བསྟར་གྱིས་མི་རིགས་སྲོལ་རྒྱུན་རིག་གནས་ལ་སྲུང་སྐྱོབ་དང་དེང་རབས་རིག་གནས་ལ་ཉམས་ཞིབ་གང་ལེགས་བྱས་ཏེ། གནའ་དེང་ཟུང་འབྲེལ་གྱིས་མི་རིགས་རིག་གནས་རྒྱུན་འཛིན་དང་དར་སྤེལ། སྔོག་འདོན་ཐད་ནུས་པ་ཅི་ཡོད་འདོན་མུས་སུ་ཡོད། ༢ ཚོགས་པའི་ལས་གཞིའི་རྣམ་གྲངས་ནི། ༡ དཔེ་ཆ་པར་སྐྲུན། ༢ གསབ་སྦྱོང་འཛིན་གྲྭ་སྒྲུབ་པ། ༣ དམངས་ཁྲོད་ཅ་ལག་དང་རིག་གནས་ཐོན་རྫས་འགྲེམ་སྟོན། ༤ ཐང་ཀ་འབྲི་བཞེངས་དང་ཡིག་གཟུགས་འགྲན་སྡུར་བྱ་འགུལ་སོགས། ༥ དམངས་ཁྲོད་སྒྱུ་རྩལ་རིག་གནས་ལ་ཞིབ་འཇུག་དང་སྔོག་འདོན། ༦ དཔེ་རྙིང་འཚོལ་སྡུད་དག་སྒྲིག་དང་ཤུལ་བཞག་རིག་གནས་ལ་སྲུང་སྐྱོང་སོགས་ཡོད། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་གྱི་རྩ་ཁྲིམས་དོན་ཚན་ཉེར་གཉིས་པའི་དགོངས་པ་ལྟར། རྒྱལ་ཁབ་ཀྱིས་མི་དམངས་ལ་ཞབས་འདེགས་ཞུ་བ་དང་སྤྱི་ཚོགས་རིང་ལུགས་ལ་ཞབས་འདེགས་ཞུ་བའི་རྩོམ་རིག་སྒྱུ་རྩལ་གྱི་བྱ་གཞག་དང་། གསར་འགྱུར་དང་། ཀུན་ཁྱབ་རླུང་འཕྲིན། བརྙན་འཕྲིན་བཅས་ཀྱི་བྱ་གཞག དཔེ་སྐྲུན་དང་འགྲེམས་སྤེལ་གྱི་བྱ་གཞག དཔེ་མཛོད་ཁང་དང་། དངོས་མང་བཤམས་སྟོན་ཁང་། རིག་གནས་ཁང་བཅས་དང་རིག་གནས་ཀྱི་བྱ་གཞག་གཞན་དག་གོང་དུ་སྤེལ་རྒྱུ་དང་།མང་ཚོགས་ཀྱི་རང་བཞིན་ལྡན་པའི་རིག་གནས་ཀྱི་བྱེད་སྒོ་སྤེལ་རྒྱུ། རྒྱལ་ཁབ་ཀྱིས་གནའ་ཤུལ་གྲགས་ཅན་དང་། རིག་རྫས་རྩ་ཆེན། ལོ་རྒྱུས་ཐོག་གི་རིག་གནས་ཤུལ་བཞག་གལ་ཆེན་གཞན་དག་བཅས་སྲུང་སྐྱོང་བྱ་རྒྱུ་བཅས་ནི་ངེད་ཞིབ་འཇུག་པའི་དམིགས་ཡུལ་དུ་བཟུང་ཡོད། |
