中国藏语系高级佛学院2022级高级学衔班宁玛派集中辩经实习

ཀྲུང་གོ་བོད་བརྒྱུད་མཐོ་རིམ་ནང་བསྟན་སློབ་གླིང་གི་༢༠༢༢ལོའི་མཐོ་རམས་

རྙིང་མའི་འཛིན་གྲྭའི་གྲྭ་སྐོར་དངོས་སྦྱོང་།

中国藏语系高级佛学院2022级高级学衔班宁玛派集中辩经实习

ཀྲུང་གོ་བོད་བརྒྱུད་མཐོ་རིམ་ནང་བསྟན་སློབ་གླིང་གི་གླིང་གཙོ་གཞོན་པ་དཔལ་ས་སྐྱའི་ཁྲི་རབས་ཞེ་བདུན་པ ༸ བྱམས་པ་མཐུ་སྟོབས་སེངྒེར་ཕེབས་བསུ་བྱེད་བཞིན་པ།

   སྤྱི་ལོ༢༠༢༤ལོའི་ཟླ༨ཚེས༢༢ཀྲུང་གོ་བོད་བརྒྱུད་མཐོ་རིམ་ནང་བསྟན་སློབ་གླིང་གི་མཐོ་རམས་རྙིང་མ་འཛིན་གྲྭའི་དགེ་སློབ་ཡོངས་མཚོ་ལྷོ་ཁུལ་འབའ་རྫོང་དུ་མཉམ་འཛོམས་བྱུང་བ་དང་གསང་ཆེན་སྔ་འགྱུར་སེང་ཁྲི་ཆོས་གྲྭ་ཆེན་མོའི་དགོན་གཙོ་རྒན་གཞོན་གཉིས་དང་དགོན་པ་དོ་དམ་ཁང་གི་ཁོངས་མི་རྣམས་ཀྱིས་ཕེབས་བསུ་དང་སྣེ་ལེན་གཟབ་རྒྱས་གནང་།

       མཚོ་ལྷོ་ཁུལ་འབའ་རྫོང་སེང་ཁྲི་དགོན་པའི་བསྟན་བདག ༸ སྐྱབས་རྗེ་བསྟན་འཛིན་སྙན་གྲགས་མཆོག                                     ས་སྐྱའི་ཁྲི་རབས་ཞེ་བདུན་པ ༸ བྱམས་པ་མཐུ་སྟོབས་སེངྒེ་མཆོག

   བོད་བརྒྱུད་ནང་བསྟན་རིམ་གསུམ་ཡོན་གནས་ཀྱི་འབྲེལ་ཡོད་གཏན་འབེབ་དང་རང་སློབ་གླིང་གི་གསོ་སྐྱོང་འཆར་གཞི་གཞིར་བཟུང་སྟེ། སྤྱི་ལོ ༢༠༢༤ ལོའི་ཟླ ༨ པའི་ཚེས ༢༣ ནས་ཚེས ༢༧ ཉིན་བར་སྐབས་ཉེར་གཅིག་པའི་ཀྲུང་གོ་བོད་བརྒྱུད་མཐོ་རིམ་ནང་བསྟན་སློབ་གླིང་གི་ཞིང་ལྗོངས་ལྔའི་མི་སྣས་གྲུབ་པའི་མཐོ་རམས་རྙིང་མ་འཛིན་གྲྭའི་དགེ་སློབ་ཡོངས་མཚོ་ལྷོ་ཁུལ་འབའ་རྫོང་གསང་ཆེན་སྔ་འགྱུར་སེང་ཁྲི་ཆོས་གྲྭ་ཆེན་མོར་ཕྱིན་ཏེ་གྲྭ་སྐོར་དམ་བཅའ་ཕུལ།

དངོས་སྦྱང་གྲྭ་སྐོར་དམ་བཅའི་ཆེད་ཕེབས་རྒྱུགས་དཔང་པ་དང་སེང་ཁྲི་དགོན་པའི་རྒྱུགས་དཔང་མཁན་པོ་རྣམས།

   སྤྱིར་གྲྭ་སྐོར་དམ་བཅའ་ནི་བོད་བརྒྱུད་ནང་བསྟན་རིམ་གསུམ་ཡོན་གནས་ལམ་ལུགས་ཀྱི་ནང་དོན་གཙོ་བོ་ཞིག་ཡིན་ལ། དེར་བོད་བརྒྱུད་ནང་བསྟན་སྲོལ་རྒྱུན་གྱི་ཆོས་རྩོད་བྱེད་སྟངས་ཡོངས་སུ་འདུས་ཡོད་པ་མ་ཟད། ཏང་ཀྲུང་དབྱང་གིས་དུས་རབས་གསར་པའི་ཕུལ་བྱུང་གྲྭ་བཙུན་གསོ་སྐྱོང་གི་བྱ་བའི་ལམ་ལུགས་སྐོར་གྱི་སྤྱིའི་བླང་བྱ་ལག་བསྟར་དོན་འཁྱོལ་དང་།   གནའ་དེང་ཟུང་འབྲེལ་གྱི་ཆོས་རའི་རྣམ་པའི་སློབ་མ་རྣམས་ལ་སློབ་སྦྱོང་གི་འདུ་ཤེས་མཐོར་འདེགས་བྱེད་པའི་ལག་ལེན་གལ་ཆེན་ཞིག་ཀྱང་ཡིན།

མཚོ་ལྷོ་སེང་ཁྲི་དགོན་པའི་དགོན་གཙོ་བསྟན་འཛིན་རྣམ་རྒྱལ་གྱིས་གྲྭ་སྐོར་དམ་བཅའི་དབུ་འབྱེད་མཛད་སྒོའི་གསུང་བཤད་གནང་བ།

    སློབ་གླིང་གཉིས་ཀས་ཐེངས་འདིའི་གྲྭ་སྐོར་དམ་བཅའ་ལ་ཕན་འབྲས་ལེགས་པོ་བསྐྲུན་ཆེད། དངོས་སྦྱོང་གི་ནང་དོན་བཀོད་སྒྲིག་ཞིབ་ཚགས་དང་། ལས་ཀའི་གོ་རིམ་ལ་ཇུས་འགོད། ས་གནས་ཀྱི་འབྲེལ་ཡོད་སྡེ་ཁག་ལ་འབྲེལ་གཏུགས་བྱས་ཏེ། གྲྭ་སྐོར་དམ་བཅར་བཀོད་སྒྲིག་སོགས་ལེགས་པར་བགྱིས་ཏེ། དངོས་སྦྱོང་ཡན་ལག་ཚན་ཆུང་གིས་དངོས་སྦྱོང་ལས་དོན་བདེ་བླག་ངང་སྤེལ་རྒྱུར་གྲ་སྒྲིག་གང་ལེགས་བྱས།

ཐེངས་འདིའི་གྲྭ་སྐོར་དམ་བཅར་བརྒལ་རྟགས་བྱེད་པའི་ཟུར་ཙམ།

   ཚེས་ཉེར་བཞིའི་ཉིན་གསང་ཆེན་སྔ་འགྱུར་སེང་ཁྲི་ཆོས་གྲྭ་ཆེན་མོའི་བསྟན་པའི་བདག་པོ་སྐྱབས་རྗེ་༧ཐུབ་བསྟན་བསྟན་འཛིན་སྙན་གྲགས་རིན་པོ་ཆེས་གཙོས་མཁན་སྤྲུལ་གྲྭ་ཚང་གདན་འཛོམས་པའི་དབུས་སུ་གྲྭ་སྐོར་དམ་བཅའི་བྱེད་སྒོ་དངོས་སུ་སྤེལ། ཐེངས་འདིར་ཉིན་གསུམ་དང་ཕྱེད་ཀྱི་རིང་གཞུང་བཀའ་པོད་ལྔ་སྟེ། ཚད་མ་དང་། ཕར་ཕྱིན། དབུ་མ། མཛོད། འདུལ་བ་བཅས་ལ་དམ་བཅའ་བཞག

ཀྲུང་གོ་བོད་བརྒྱུད་མཐོ་རིམ་ནང་བསྟན་སློབ་གླིང་གི་༢༠༢༢ལོའི་མཐོ་རམས་རྙིང་མའི་འཛིན་གྲྭའི་གྲྭ་སྐོར་དངོས་སྦྱོང་སློབ་མ་རྣམས།

   དམ་བཅའ་འཇོག་སྐབས།   རིགས་ལུང་བས་ལུང་རིགས་དཔེ་གསུམ་གྱི་ལམ་ནས་གཞུང་བཀའ་པོད་ལྔའི་གཙོ་གནད་གཞིར་བཟུང་ནས་དམ་བཅའ་འཇོག་མཁན་གྱི་སློབ་མར་དགག་སྒྲུབ་ཅི་རིགས་བྱེད་པ་དང་། དམ་བཅའ་བས་ཀྱང་རང་ནུས་ཅི་ཡོད་ཀྱིས་རིགས་ལུང་པར་ལན་ལྡོན་གང་ཐུབ་བྱེད། ཆེད་ཞུས་དཔང་བཞུགས་མཁན་པོ་དང་ཆེད་མཁས་དགེ་རྒན་དག་གིས་དྲང་བདེན་གྱི་ལམ་ནས་ཤན་འབྱེད་གསལ་བོར་བྱས་ཏེ། དཔྱད་འདེམས་སྐར་མ་སྟེར་བ་སོགས་སྒྲིག་གཞི་ལུགས་མཐུན་གྱི་བླང་བྱ་དོན་འཁྱོལ་ཡོང་བར་བྱས།

   གྲྭ་སྐོར་དམ་བཅའི་ཡུལ་དངོས།

   དངོས་སྦྱོང་བྱེད་རིང་ཀྲུང་གོ་བོད་བརྒྱུད་མཐོ་རིམ་ནང་བསྟན་སློབ་གླིང་གི་གླིང་གཙོ་གཞོན་པའམ་དཔལ་ས་སྐྱའི་ལྷ་ཁང་མཁན་ཆེན་ཁྲི་རབས་ཞེ་བདུན་པ་༧བྱམས་པ་མཐུ་སྟོབས་སེངྒ་ལགས་དང་། དགེ་རྒན་རྡོ་རྗེ་ཚེ་རིང་དང་ཀྲུའུ་ཤང་ཏུང་བཅས་ཀྱིས་གྲུབ་པའི་སྐོར་ཞིབ་ཚོགས་ཆུང་དངོས་སྦྱོང་བྱ་ཡུལ་ལ་ཕེབས་ཏེ། དངོས་སྦྱོང་ལྟ་སྐུལ་མཛུབ་ཁྲིད་ཀྱི་སྐོར་ཞིབ་ལས་དོན་སྤེལ། སྐོར་ཞིབ་ཚོགས་ཆུང་གིས་དངོས་སྦྱོང་དགོན་སྡེའི་དམངས་གཙོ་དོ་དམ་ཨུ་ལྷན་གྱི་ཁོངས་མིའི་བསམ་འཆར་དང་གྲོས་འགོ་ནན་ཏན་ངང་ཉན་པ་དང་འབྲེལ། དངོས་སྦྱོང་དགོན་སྡེ་ཁག་གི་རྒྱབ་སྐྱོར་དང་སྟབས་བདེ་གང་ལེགས་སྐྲུན་པར་སྙིང་དབུས་ནས་བཀའ་དྲིན་ཞུས་པ་དང་། སྐོར་ཞིབ་ཚོགས་ཆུང་གིས་ད་དུང་དངོས་སྦྱོང་སློབ་སྟོན་དགེ་རྒན་གྱིས་དངོས་སྦྱོང་སློབ་མར་གདེང་འཇོག་བྱ་ཚུལ་ལ་ཞིབ་ཏུ་ཉན་ཞིང་། སློབ་མའི་དངོས་སྦྱོང་གི་རྣམ་འགྱུར་དང་། ལས་ཀའི་རྣམ་འགྱུར། དངོས་ཡོད་ཀྱི་གནད་དོན། ཤེས་ཡོན་གྱི་བྱང་ཚད། དེ་བཞིན་དངོས་སྦྱོང་སློབ་མའི་དངོས་སྦྱོང་གི་མྱོང་ཚོར་དང་ཕན་འབྲས་སྐོར་ལ་ཞིབ་ཏུ་གསན་གཟིགས་གནང་སྟེ་དེར་ཕེབས་པའི་ཡོན་གནས་གཏན་འབེབ་ཀྱི་དཔང་བཞུགས་དགེ་རྒན་རྣམས་དང་རིགས་ལུང་པ་ཚང་མས་གདེང་འཇོག་ཆེན་པོ་གནང་།

རྒྱུགས་དཔང་པ་དང་སློབ་མའི་མཉམ་པར།

   སྤྱི་ལོ༢༠༢༤ལོའི་ཟླ༨ཚེས༢༧ཉིན་སྐྱབས་རྗེ་༧ཐུབ་བསྟན་བསྟན་འཛིན་སྙན་གྲགས་རིན་པོ་ཆེས་ཐེངས་འདིའི་གྲྭ་སྐོར་དམ་བཅའ་འཇོག་མཁན་གྱི་སློབ་མ་རྣམས་པར་གྲྭ་སྐོར་ངོས་སྦྱོར་དཔང་ཡིག་དང་ལེགས་སྐྱེས་ཕུལ་ཏེ་མ་འོངས་པར་ཕྱོགས་དང་རིས་སུ་མ་ཆད་པར་བསྟན་པ་རིན་པོ་ཆེར་ཞབས་ཞུ་གང་ལེགས་བགྱིས་ཏེ་ཕྱོགས་བཅུ་ཐ་གྲུ་ཀུན་ཏུ་དར་རྒྱས་སུ་གཏོང་དགོས་ཚུལ་དང་རབ་བྱུང་བ་ཡིན་ནས་བཟུང་ཐོས་བསམ་ཕྱོགས་མེད་དུ་བྱེད་དགོས་ཚུལ་སྐོར་གྱི་བཀའ་སློབ་གནང་ནས་མཇུག་ལེགས་པར་གྲུབ་བོ། །

༢༠༢༢ལོའི་ཀྲུང་གོ་བོད་བརྒྱུད་མཐོ་རིམ་ནང་བསྟན་སློབ་གླིང་མཐོ་རམས་རྙིང་མ་འཛིན་གྲྭའི་མཉམ་པར།

中国藏语系高级佛学院2022级高级学衔班宁玛派合影